Indradhanush ko Mutthi mein bharkar, Holi ke rang banana baaki hai.

Phoolon ke parag ko, Oss ki boondon se goondhkar, Khushiyon ki pooriyan talni hai mujhe,

Abhi kahan- abhi toh bas paaon dhara hai, Tumhare aangan ki geeli mitti par,

Chhap abhi sookhi nahi hai, Ehsaason ke sikke chun na baaki hai.

Rishton ke samudra mein doobkar, Kuchh Moti dhoondh loon zaraa, Ek maala si banani hai mujhe,

Jaldi kya hai zindagi, fursat se baitho yahan Is aakash ke neeche , Apna aasman banana baaki hai!